كشف منذ قليل الناشط السياسي و كرونيكور برنامج الرونديفو على قناة التاسعة " رياض جراد" بانه تم اليوم ممارسة شتّى أنواع الهرسلة على المواطنة التي تقدمت بشكاية ضد "محمد بوغلاب" بـ: التنمر و السخرية و كلام بذيئ و وافتكاك ورقة من يدها عنوة و إسكاتها و محاولة ترهيبها... و قد تم مهاينة كل هذا من طرف عدل منفذ...
نص التدوينة كامل :
اليوم، في العوينة، صارت المكافحة بين الشّاكية و محمد بوغلاّب الذي أحضر معه ثمانيّة محامين ناقص كان جنرال المارينز إلي سبق و كرمو ما جاش معاهم، الكل جابهم بوغلاّب بش يتحاماو في مكافحة مواطنة جات وحّدها؛
هذا ذكّرني بمشهد عادل إمام في فلم "السفارة في العمارة" وقت قدّم قضية ضد السّفير الصهيوني و مشى وحدو للمحكمة و معاه محاميه الوحيد أحمد راتب، عاد وقت اللّي القاضي نادى على محامي السّفير القاعة الكل وقفت!! طلعو كلهم محامين جايبهم معاه السفير الصهيوني!!
ديما صاحب الحق واثق و مطمئن و ديما الظّالم مفجوع و يحب يتخبّى بحزام من المحامين لأنّه ما يقدرش يواجه ضحيته و لو كانت بمفردها لا حول لها و لا قوّة
اليوم بلغني أن تلك الموظفة اللّي تم إنتهاك عرضها واللّي إرتكبت جريمة القيام بالواجب و الدفاع عن كرامتها، مورس في حقّها شتّى أنواع الهرسلة؛ من النّظرات إلى الضّحكات إلى الإيماءات إلى الحركات إلى التنّمر إلى السّخرية من العدل منفذ الذي قام بالمعاينات إلى سبان الوزير بالكلام البذيئ الى أخذ ورقة من يدها عنوة ليطلع عليها أحدهم دون إذنها، بل وإسكاتها و محاولة ترهيبها، و محاولة الحط من معنوياتها.. لكنها رجّتهم بثباتها و رباطة جأشها
ليخرجوا بعد ذلك للإذاعات و يصرّحوا بأنها "كان سكتت خير لأنها فضحت روحها"..
يعني إستماتة تونسية حرّة في الدفاع عن حقها و دفاعها على كرامتها و شرفها المهني و الإعتباري يتسمّى فضيحة..؟ يا حقوقيّين يا ديمقراطيّين يا مجتمع مدني ياللّي صدعتوا رؤوسنا بالتشدّق بالدفاع عن المرأة يا منافقين؟! مالا اللّي عملتوه إنتوما اليوم اش يتسمّى؟!
هي فضحتكم.. فضحت كذبكم و نفاقكم و تزييفكم للحقائق...
فضحت عيّنة من الصحفيّين النزهاء برشااا اللّي ما يستنجدوا كان بالمحامين الشّرفاء برشااا الي يشبهولهم..
في الأخير حاجة واحدة حيرتني.. علاش ما رفضتش حضورهم؟ علاش ما تمسكتش بأن تكون المكافحة وجها لوجه بينها كشاكية و بينه كمتّهم فقط..؟ إستغربت قبولها حضورهم جميعا أمامها في ذلك المكتب الضيّق دون أدنى إعتراض منها.. !! على الأقل كانت تطلب الإكتفاء بحضور محامي واحد معاه على الأقل.. وهذا من حقها..!!
فكرت في السّبب.. وبعد قلت لعلّك لم تكوني ترينهم أصلا سيدتي و تفكّرت زادا التّسعة الي لحڨوا في جرتك اليوم. و انت وحدك و تفكّرت أنو جدّك غلب خمسة وحدو :
- الخمسة الي لحڨوا بالجرة
- و ملك الموت يراجي
- لحقوا مولى العركة المُرة
- المشهور الدغباجي
- الخمسة درجحهم في مَرة
- لا من روّح ناجي
- الخمسة ما لحڨوش مضرة
- ما يديروا مفعول
- لحڨوا مولى العركة المُرة
- الدغباجي الشهلول.
فيديو محمد بوغلاب على قناة قرطاج +:
التطورات القضائية:
و يذكر بان النيابة العمومية قررت اليوم 24 مارس 2024 ، التمديد لمدّة 48 ساعة في مدّة إيقاف محمد بوغلاب.
وقد تمّ جلب محمد بوغلاب صباح اليوم الأحد 24 مارس 2024 إلى مقرّ المحكمة الابتدائية بتونس للتحقيق معه في الشكاية المقدمة ضده من قِبل إطار بوزارة الشؤون الدينية.
أكّد الناطق الرسمي باسم المحكمة الابتدائية بتونس، محمد زيتونة، في تصريح إعلامي، الاحتفاظ بالإعلامي محمد بوغلاب على إثر شكاية تقدّمت بها موظّفة بالقطاع العمومي اتهمته فيها بالمسّ من سمعتها وهتك عرضها وشرفها عبر تدوينات نشرها على صفحته الخاصة على "فايسبوك" في أواخر فبراير 2024، وعبر وسائل الإعلام.
التفاصيل:
- تقدّمت الموظّفة بشكوى ضدّ بوغلاب إلى نقابة الصحفيين في 3 مايو 2023، تزامناً مع عيد الصحافة، دون جدوى.
- واصل بوغلاب الإساءة للموظّفة أخلاقياً مع ذكر اسمها ولقبها ومقر عملها على صفحته الخاصة على "فايسبوك" وفي برنامج إعلامي على أحد وسائل الإعلام.
صور من الصفحة الرسمية للشاكية
